Sædís Heba á JGP 2025
Sædís Heba tók þátt fyrir hönd ÍSS á Junior Grand Prix mótaröð Alþjóðlega skautasambandsins (ISU) árið 2025.
Junior Grand Prix mótaröðin er svokallað kvótamót, sem þýðir að hver þjóð á rétt á ákveðnum fjölda keppenda á ákveðnum fjölda móta. Ísland hefur nú kvóta á tvö mót og má senda einn keppanda á hvort þeirra.
Sædís keppti á eftirfarandi mótum mótaraðarinnar:
-
20.–23. ágúst í Riga, Lettlandi
-
1.–4. október í Gdansk, Póllandi
Hún ferðaðist ásamt þjálfara sínum, Jana Omelinova ásamt liðsstjórum.
Einnig sendi ÍSS dómara til þátttöku á báðum mótunum.
Úrslit
-
Riga: 27. sæti – 99,62 stig
-
Gdansk: 30. sæti – 104,69 stig
Sædís bætti árangur sinn á milli móta og sýndi stöðuga framför í sterkri alþjóðlegri samkeppni.
Þátttaka hennar í Junior Grand Prix mótunum er mikilvægt skref í áframhaldandi uppbyggingu og þróun listhlaupaiþróttarinnar á Íslandi og veitir dýrmæta reynslu á alþjóðavettvangi.
